Busker

 

Killie Toon centre.
Setirday efternin.
Sun's oot, winter’s tap’s aff.
Passing nae-shoap trade,
Pale white skinfields gitting
First ultraviolet blasting
Ay the gladly thawing year.
Young woman, looks early twinties,
Some band black tee, black shorts
Nivir-dimmed O2-packing queen dreams,
Gently belting oot a sporadic
Conveyor belt ay the
Ayrshire-interpretit
Past immortal greatest hits.
Reflective shades, tat-words oan the
Air guitar-strumming
Pendulum metronome right airm.

Busking’s moved wi the techno times.

Phone oan a mike stand oot front,
Plugged intae modern music dreams, 
Wee app-fuelled amp providing
The toon-centre-echoing
Lush buzzing solar flare vocals.
Converting Tom Petty, Van Morrison,
Sophie Ellis-Bextor n U2 n mair
Intae a banging heady hits mix.
Murder oan the dance flair,
Still hasnae funt whit she’s looking fir.
But in her spirit-uplifting
Toon cryer rammie-stooshie rhythms
She’ll nae doot find it
Somewhaur oor some giddy
Future sonic rainbow,
Oan her gutsy busker
Scroll n stroll doon
Wide wild bird ay freedom
Corridors ay
Tremendous
Female
Infinite
Vox pop
Power.
N mibbe then
We’ll aw get a
Tiny snapshot glimpse
Ay whit it’s aw aboot
Fir a change
Fir a time
Tae go.

THE END

(25/4/2026, 1.50 p.m. to 2.10 p.m.)