Worked in a hospital fir a wee while a
Couplay year ago, shite joab, walked oot,
tired ay thum ripping the pish.
Haeing a wee blether yin day
tae a pleasant woman ah goat oan wi.
Telt me her last name wis Compton.
"Straight outta Compton," ah said jokingly.
(Hud the first NWA album in 1988
When it came oot, the usual nonsense)
"Naw, but ma weans ur," she shot back,
quick as a bullseye arrow straight tae target!
N ah laughed in admiration, brilliant.
Yin ay they very rare spontaneous moments
(though she hud probably said it afore)
whaur ye jist couldnae match it
Fir wit n style brevity clarity purity.
Wish thir wir mair ay thum aboot,
bit ah suppose that entirely depends
oan ony new film names n whithir
they match the straight razor
Scottish wit, so probably
nae chance
whitsoivir.
THE END
Comments
Post a Comment