Saw a
beautiful wee sight the day
Dying
embers, five peeyem, still hot
Unseasonable
meteorological treason
Here comes
the hot wet Scottish summer season
Driving, hinking, Diet Coke drinking,
Caffeine-fiending,
snorting shoring up n
Defending
internal argument positions
When
suddenly random tae the right
Up the road
doon the hill slightly aheid
Ay the curve
ay aw awe, guy pulling a cartie
Oor Wullie
childhood intimations, smiles
Inventit fir
the subject maitter! Behind
The faither pu'ing the cartie wi rid canvas sides wir
Twae wee
blonde lassies, mibbe twae year auld tops
Mibbe twins,
nae idea, nivir will, nivir want tae hae
Split-second-seen
jumping n tumbling Circus Archaos
Covert
sneakily rising moons in the back ay the wagon
Wee yins
generating mair heat thin the dying sun
(Though
mibbe in this country that isnae difficult)
Perfect
clumsy acrobat convulsions, tiny looping animal
Kinetics,
tiny-bit-huge wiggling wee pink giggling girl pile,
Fawing aw
oor each ither, effortless clown skill graduates
N is ah
passed beaming wi the day a dozen degrees cooler
Ah gied the
unshaven early-30s faither a thumbs-up
He smiled n
returned it kent the score immediately
Delightit by
this sudden perfect nivir-seen-faces intrusion
Intae ma
cooling day, Chats is a supportive soprano chorus
Then zoom
zip nivir-consultit faimly brilliance
In the
rearview mirror,
Big happy
unforced smile
Splitting ma
tense
Joab-torn
coupon
N thit's
eywis a
Welcome brek
N hing.
(7/6/2020)
Comments
Post a Comment